La nivi di San Valentino

di Giuseppe Calascibetta

Iera lu jurnu di San Valentinu

Riesi innevata, febbraio 2012, Photo by Gaetano Giambusso.

Quannu a Riesi

A prima matina

Si cunsa tutta di nivi.

Li tirrena, la Matrici, li strati

Ieranu tutti cunsati

Cumu na sposa

E li cuntadini e tutti li matinara

Si ficiru l’ucchi davanti a su spittaculu,

spirannu ca durava tutta na iurnata.

Ma appena

L’ucchiu di lu suli s’affaccià

Tutta la fiaba di sta matinata svani

pi cuminciari la favola

di l’innamurati.