Poeti dialettali Riesini 

Oggi proponiamo le poesie di Piera Cutaia. Nasce a Riesi dove è residente dalla nascita, ha conseguito la Maturità Scientifica, presso l’ Istituto “A. Volta” di Caltanissetta e successivamente il diploma di Maturità Magistrale, presso l’Istituto “Dante Alighieri” di Gela. Inoltre, ha conseguito la licenza di solfeggio (ramo cantanti) presso il Conservatorio “Vincenzo Bellini” di Palermo.
In seguito ha conseguito il Diploma di Scuola Magistrale presso l’istituto “Signore della Città” di Caltanissetta.
Attualmente svolge l’attività d’insegnante presso la scuola primaria del circolo didattico di Riesi. Ha pubblicato una raccolta di poesie dialettali “CHISTU RIESI”, con il patrocinio del Comune di Riesi, in cui canta la gente del proprio paese. Ne narra la vita. Ne coglie gli aspetti più intimi e più reconditi esaltandone il carattere aperto, festante, istintivo, focoso, ligio alle norme ereditate dagli avi.
Ha partecipato a varie manifestazioni locali e non, sia con poesie, spettacoli musico-teatrali attinenti alla sicilianità, il tutto a scopo culturale.
Nel maggio del 2010 ha partecipato all’evento culturale “ L’Anima di Riesi” relativo alla riscoperta delle tradizioni Riesine tra Sacro e Profano, organizzato dal Comune di Riesi - Assessorato alla Cultura, in cui le è stato conferito l’attestato di merito.
Ha partecipato ad un concorso letterario classificandosi al terzo posto.

LU FIAURU DI LI VANEDDRI!

Quannu agghiurnàva di prima matina,

la fìmmina  ,già, prestu si susìva

Pinsàva ca  lu pani avìva a ‘mpastàri,

perciò cuminciàva a famìari.

Lu crivu e la maìddra  priparata,

pirchì aviva a fari, lu pani e la fuàta.

Un munzìddru di farina e un sagnatùri,

dra ‘ncapu ,pronti,di lu scanatùri,

Ma fora, ‘mpunta di la cantunèra,

niscìa lu fumu cumu “ciminièra”.

Di lu  fiàuru di pani si murìva

a ccu ci arziàva l’ucchi e ccu tussìa.

Eppuri…, chi iera bellu stari fora

e vidiri fumà li “fumalòra”!

Parìa ‘na festa e tutti drà a l’arìcchia

di pani nni tastàvano tantìcchia

E nun parrammu di lu” chìchiru scanàtu,”

o ccu li ficu un biddru” purciddràtu.

  Si facìva un”canniliri” ,a “timpu vivu”,

ccu la farina cirnùta cu lu crivu

e iera a trizza,’a rusùna, o a panariddru

cu l’uvu duru ,oppuri, cu l’acìddru

E nun parrammu chi c’era ppi la via,

quannu, pi li murti,si facìa la” cuccìa.”

Si  spinnìva  a li du vicinèddri

e chi portaprànza, dra di li vanèddri!

Di muntàta e di pinnìnu c’era fiàuru

di cìciri e furmìntu ccu l’addràaru.

E ppi Natali ,si sintìa viòla, viòla

tantu fiauru  di mastazzòla;

e li cummàri, arriminàvanu lu pastùni,

di carrùbi, vinu cuttu,’nzina puri lu tirrùni!

E chi ieranu ustùsi li viscòtta calli,calli

ca cunzàti ccu lu zùccaru, divintàvanu taràlli!

 E nun parràmmu di ddri biddri e aggrànciati cuddrurèddri,

e  li spingi o li gnucchìtti, ca ‘ntamàvanu vanèddri.!

Ma a li quattru cantunèri,cchi fumàta c’era all’otta,

di lu fiàuru si murìva,c’era tanta” robbacòtta”.

E chi lòdira di genti ca si inchìvanu la panza,

la mintivanu d’un cuppu, o di li beddri”portaprànza”.

Ora…, iè cunfiziunàtu,

di lu pani a lu ‘nfurnàtu….

nun avìmmu cchiu lu fumu,

 ca nni mascarìa lu muru;

n’arristà, però,lu fumu ca nni nesci di li ” naschi”

e disiàmmu lu profumu di lu “pani e di li fiàschi”!

PIERA CUTAIA