Paroli di un frustiiri

Iera lu primu iurni

Di lu ma riturnu

d’intra sta matri terra

ca nun  vidi, nun, parri e nun senti.

A lu primi passu

Ca detti di sta terriceddra mia

Cunnannata e cumannata

Sintiva lu Fiauru di lu mari,

e vidiva a minzu li strati

li pali di ficudìnnìi cu l ‘aranci

russi cumu lu sangu.

E mi scattava lu cori.

Appena arrivaiu di lu ma paisi

Sintiu  lu fiàuru di li purpetti friuti

Di li muffuletta,appena sfurnati

E di lu sucu cu li finucchiddri

Pi  cunzari li cavàti

Li stradi su chini di  frustìri,

pi vidiri la Madonna, accompagnata di la banna

e scurtata di li carrabuniri.

Di li carusi,nun si senti cchiù, lu ciciuliàri

Ca su abbarsamati cu lu cellulari.

la chiazza ie china di tavulina

cha pari ca ie festa sira e matina.

Li strati su chini di fimmini

Ca passìanu via via

 pari na passarella

e l’omu s’arricrìa

Quanti carusi sbrachittati

Quanti genti   ‘nnammurati

Cu talìa, cu passìa

  Cu si vasa e cu  schinìa.

Li vicchi appuiati di la cantunera

 cuntanu fatti ca succidivanu a la  pirrera

Parranu di

Agricoltura ,parranu di partita

o cu tanti scàccani

 spàrranu all’atri  e si lèvanu la vita!

Sta bella terra china

di cultura edi natura,

 cantata di li poeta

iè invidiata di l’americani

pirchì su sperti li cristiani

Sta terra,

nun  voli ca li propri figli

vannu apprissu

 di la mafia e di la corrùzioni,

 ca fùttinu la genti

e la popolazione!!!!

 Ji, cumu tanti figli

Simmu iccati strati strati

Cu l’illusioni ca almeno na vota

Di la vita,

putissummu cangiari  sti iurnati

e godirini li billizzi di sta terra.

Beddra cumu na zita!!