Riesi. Gaetano Giambusso premiato dal figlio del poeta Salvatore Quasimodo.

A RIESI

di Tanino Riccobene

CHI PARRASCINU!

Due amici si ritrovano nel terreno di uno dei due.

- Cciii, cciii, cciiiii. E chi ficiru? Disgraziati, si cugliru quasi tutti cosi.
Cca ciavìa trenta minnuli muddrisi e n'arristaru sulu dui. 
Cca ciavìa qualchi uttu bifari e n'arristaru dui e minzu.
Cca ciavìa qualchi vinti pruna ucchiu di voi e n'arristaru tri e minzu.

- Aspetta nun ti lamintari.

- Pirchì?

-Almenu facisti setti e minzu...tirati lu cuntu!

- A zittiti babbu ...chi vinciiu? Na baddra...Na testa di...A finiscila di sfuttiri.
Talìa chi corra mi staiu pigliannu chiustustu, niura ci vorra viniri.
Cianna fari vilenu e ntussicu e mangiarisilli a medicini.

- A na voglia, nun ti la pigliari, ci su cosi chiù mportanti di la vita.

- Cessu. Ncapu l'atri, a na voglia. Vulissi vidiri si capitassi a tia stu maciddru, ca chianti na cosa e nun ti pua mangiari la frutta.

- A pensa a la saluti, pensa a lu travagliu, pensa a li figli ca sta criscinnu, pensa a la Juventus ca a vò vinciri sempri, chissi su li cosi ca cuntanu!

- Attuppati la vucca...zittiti ca haiu li nirbi.
La facissi finiri a chirichitolla.

- Amuninni ascuta a mia. Jamuninni a lu barri e ni surchiammu na birra o ni pigliammu un cafè.

- Un cafè sulu ppi tia?

- Chi ciantra! Un cafè l'unu...quindi du cafè.

- Chi mi vua ntussicari cu la gastrita ca haiu...du cafè mi vua dari? A finiscila babbignu.

- Mma quannu si accussì nirbusu, cu tia nun si ci pò ragiunari...mu mu...ca t'accumpagnu ncasa.

- Bunu fa, almenu nun mi pigliu corri e mi pigliu na pinnula ca mi sta satannu la testa e mi pari ca m'aumentà la pressioni...amuninni!
Chi parrascinu ca m'abbinni l'annata d'aguannu!