OH MAMMA PIRCHI A LA PIRRERA MI MANNASTI di Calogero Riggio

 OH MAMMA PIRCHI A LA PIRRERA MI MANNASTI

di Calogero Riggio

.

Me matri ppi bisognu a la pirrera mi mannani,

ppì pochi sordi a la simana,

ni li mani di un capurali mi affidani.

.

Intra la pirrera scurusa e tinibrusa

mi purtani.

Stratuzzi cuntorti straripati, 

e cuniculi attravirsammu.

.

A pustu di travagliu arrivammu .

mi jnchj lu stirraturi 

e ni li spaddruzzi mi lu caricani; 

mi ribillaju dicinnucci 

ca jera pisanti, mi sgridà 

e mi dissi: faj  prestu a riturnari. 

.

Dra brutta strata ccu lu stirraturi

supra  li spaddruzzi 

cchiù pisanti di mia ripigliaju.

.

Arrivaiu davanti a la discimmiria,

e ccu la stanchizza , 

di n'angulu, carricatu m'appujaiu, 

mi vitti un capurali

e, scurbuticamenti mi sgridàni 

e ccu la sicaretta li gammiuzzi,

mi bruciaccani. 

.

Mentri li scali di lu puzzu

acchianava ppi lu forti duluri  

pianciva.

.

A me Padri mparadisu 

mi rivulgiju dicinnucci:

oh padri miu sacrifici 

ppi mia tanti ni facisti; 

ni sta maliditta pirrera,

la vita ci lassasti.

.. 

Tu padri miu sapiatu 

ca a mia mi piaciva studiari,  

lu to disideriu jera chiddru 

di farimi lauriari.

 .

Ma iju la to fini nun la vosi fari; 

di stu infirnu mi ni vosi libirari.

.

Ripigliaju li libra e mi misi ha studiari; 

la lauria mi pigliari e lu to disideriu realizzaju.